Գրքեր

Փախուստ

Մի մարդ ժամանակ առ ժամանակ փոխում է իր աշխատանքը, մասնագիտությունը, բնակության վայրերը, ճամփորդում ամբողջ աշխարհով մեկ, սակայն չի կարողանում գտնել ներքին հանգստություն և խաղաղություն: Հասնում է օվկիանոսի ափին ու նայում դեպի հեռավոր հորիզոնը: Նրան ուղեկցողը հարցնում է.

-Վերջապես գտա՞ր այն, ինչ փնտրում էիր:

Մարդը պատասխանում է.

-Ես դրախտային կյանքն եմ փնտրում` հոգնելով տարբեր իրավիճակներից ու այս իրականությունից, սակայն, ավաղ, այստեղ էլ չգտա, այս հեռավոր երկրում… Այստեղից էլ պիտի գնամ և փախչեմ: Այլևս աշխարհի վրա երկիր չմնաց ուր չեմ եղել: Այժմ, ո՞րտեղ ես առաջարկում գնալ:

Ուղեկցորդը պատասխանում է.

-Ուր էլ գնաս, որտեղ էլ աշխատես, ինչ մասնագիտություն էլ փոխես, միևնույն է, առանց Աստծո հետ կենդանի հաղորդակցության ի վերջո կսպառվես, կհոգնես և անդադար կփնտրես ու մշտապես փախուստի մեջ կգտնվես քո ունեցած կյանքից, իսկ երբ Աստծո ներկայությունն ես զգում, այդժամ ուր էլ լինես, ինչ էլ անես, մշտապես հանդարտ ու խաղաղ և երջանիկ կլինես: Եվ այսքան ժամանակ քեզ հետ եմ, մի՞թե չճանաչեցիր ինձ…

Աստված յուրաքանչյուրիս կողքին է ամենուր և ուղեկցում է մեզ մշտապես, բայց մենք չենք նկատում...

 

Հովհաննես սՄանուկյան

03.04.21
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․