Շնորհավոր ծննդյանդ տարեդարձը, Սրբազա՛ն Հայր

Գերաշնորհ Սրբազա՛ն Հայր,

Առանձնակի ջերմությամբ սրտիս անկեղծ բարեմաղթանքներն եմ միացնում Զորավոր Սուրբ Աստվածածին եկեղեցու հոգևոր դասի, աշխատակիցների և հավատացյալ համայնքի շնորհավորանքներին՝ Ձերդ Սրբազնության ծննդյան 60-ամյա հոբելյանի առթիվ:

Սրբազա՛ն Հայր,

Երախտապարտ եմ Ամենակալին, որ պատիվ ունեմ քահանայական ծառայությունս կրելու Ձեր հայրական առաջնորդության ներքո: Դուք ոչ միայն Հայ Առաքելական եկեղեցու սուրբ ավանդույթների լավագույն կրողն եք և մեզ փոխանցողը, այլև՝ մեր հոգիներից ներս հայրենիքի և սեփական ազգի հանդեպ տածած վեհ սիրո սերմանողը: Հայ զինվորին, հայ ընտանիքին մշտապես սատարելու և ոգևորելու Ձեր պատրաստակամությունը Եկեղեցու և Մայր հայրենիքի անխոնջ նվիրյալի կենդանի օրինակ է մեզ համար: Ձեր խոսքը տոգորված է Հայոց լեռնաշխարհի արծվանիստ լեռների վեհաշունչ ոգով, Ձեր գործը՝ քրիստոսավանդ խոնարհությամբ և անվեհերությամբ: Ես այսօր աղոթում եմ Բարձրյալն Աստծուն, որպեսզի առավել օրհնի Ձեր աստվածահաճո առաքելությունն ու արգասաբեր ընթացքը Տիրոջ ուղենշած ճանապարհի վրա: Մաղթում եմ Ձերդ Սրբազնությանը քաջառողջ և արևշատ օրեր, որպեսզի Ամենակալի օրհնության և Ձեր խնամակալ առաջնորդության ներքո շարունակի աճել և զորանալ Արարատյան Հայրապետական Թեմի քրիստոնյա մեծ ընտանիքը՝ հանուն Մայր եկեղեցու և Մայր հայրենիքի բարօրության:

Որդիական խոնարհությամբ մատչիմ ի համբոյր Ձերդ Սրբազնութեան Սուրբ և Օծեալ Աջոյն

 Տեր Գրիգոր քհն. Գրիգորյան

Զորավոր Սուրբ Աստվածածին եկեղեցու հոգևոր հովիվ