«Սիրել՝ նշանակում է Աստծո Օրենքը լրիվ գործադրել»

Մարտի 7-ին, Զորավոր Ս. Աստվածածին եկեղեցում, հոգևոր հովիվ Տեր Գրիգոր քահանա Գրիգորյանը սիրիահայ համայնքից Արփինե Քեշիշյանին (54 տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Սիրիայում ծագած պատերազմական գործողությունների պատճառով Արփինեն իր երկու դուստրերի հետ Հայաստան է եկել երեք տարի առաջ և վարձակալությամբ բնակվում է Կոմիտաս 52/18 հասցեում: Արփինեի ամուսինը 2007թ.-ին մահացել է սրտամկանի ինֆարկտից: Քեշիշյան ընտանիքը Հայաստանում ֆինանսական խնդիրների առջև է կանգնել. Արփինեն մշտական աշխատանք չունի, ավագ դուստրը չի կարողանում աշխատանք գտնել, իսկ փոքր դուստրը ուսանողուհի է, անվճար ուսանում է Ճարտարապետական և շինարարության Հայաստանի ազգային համալսարանի դիզայնի ֆակուլտետի առաջին կուրսում: Արփինեն իր շնորհակալությունը հայտնեց Տեր Գրիգորին և աջակից անձին, որ արձագանքեցին իր ընտանիքի խնդիրներին:

Սիրո էությունը կայանում է ինքնազոհողության մեջ: Սերը հոգ է տանում, որ մարդը ոչ միայն ճանաչի իր պարտականությունները, այլ կատարի այդ բոլորը, քանի որ դրանումն է մխիթարությունը, ուրախությունը և երանությունը: «Ով սիրում է իր ընկերոջը չարիք չի անի նրան: Ուրեմն սիրել՝ նշանակում է Աստծո Օրենքը լրիվ գործադրել» (Հռոմ. 13:10): Ըստ Օգոստինոս Երանելու՝ սիրո օրենքը կայանում է նրանում, որպեսզի մարդը բարին կամենա իր մերձավորին, ինչպես իրեն կկամենար:

Կարինե Սուգիկյան