9 Օգոստոս, Գշ, Աստվածածնի պահքի Բ օր

Գրքեր

Երկու տարբեր ուղիներ

Մի անհավատ մասնագետ դուրս է գալիս շինարարական կազմակերպության գրասենյակից: Ճանապարհին հանդիպելով մի քահանայի, զարմացած ասում է.

- Իմ ներկայացրած այդքան բազմաթիվ գծագրություններից պատվիրատու տնօրենն ընտրեց մի մարդու առաջարկ, որի շենքի գծագիրն ամենավատն ու վտանգավորն է կառուցման համար: Եվ իմ ամբողջ աշխատանքն ու ջանքերն անվարձահատույց մնացին: Եթե Աստված կա, ինչո՞ւ այդ տնօրենը Աստծո կամքը չի կատարում, մանավանդ իրեն քրիստոնյա է անվանում, արդյոք ո՞ւր մնացին արդարությունն ու ողջամտությունը:

Քահանան առաջ է մեկնում Ավետարանն ու ասում.

- Վերցրո՛ւ, կարդա՛, ահա այստեղ է պատասխանը:

Մասնագետը քմծիծաղ է տալիս.

- Այս գրքի գրվածքներին չեմ հավատում ու նախընտրում:

Այդ դեպքում ինչպե՞ս գտնել պատասխանը:

Քահանան ասում է.

- Դու հիմա ստացար քո հարցի պատասխանը: Ինչպես դու չես հավատում Աստծո կողմից առաջարկվող կյանքի գծագիրը ցույց տվող Ավետարանին ու ընտրում ես սրտիդ կամքը, այլ ոչ թե Աստծո կամքը, այնպես էլ այդ տնօրենն իր սրտի ցանկության գծագիրն է կամենում ու դրան հավատում, որը, թերևս, ամենավատն ու վտանգավորն է շենքի կառուցման համար, սակայն այդ մարդու համար տվյալ պահին հենց իր սրտի ցանկությունն է կարևոր, այլ ոչ թե ողջամտությունն ու արդարությունը...

 

Հովհաննես Մանուկյան

14.05.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․