Տեր Մյուռոն ավագ քահանա Ադամյան

Ծնվել է 1954թ., օգոստոսի 24-ին, Էջմիածին քաղաքում:

1961-1969թթ. ութնամյա կրթությունը ստացել է Էջմիածնի Խ. Աբովյանի անվան միջնակարգ դպրոցում:

1969-1972թթ. սովորել է Էջմիածնի Գևորգյան Հոգևոր ճեմարանում:

1972-1974թթ. ծառայել է խորհրդային բանակում:

1975-1977թթ. սովորել է Էջմիածնի հեռակա միջնակարգ դպրոցում:

1979-1981թ. սովորել է Մայր Աթոռ Սուրբ Էջմիածնի քահանայից պատրաստման լսարանում:

1981թ. հոկտեմբերի 18-ին, ձեռամբ Շիրակի թեմի առաջնորդ Տեր Նարեկ եպիսկոպոս Շաքարյանի, ձեռնադրվել է ամուսնացյալ քահանա:

1981-1989թթ. ծառայել է Շիրակի թեմի առաջնորդանիստ Ս. Յոթվերք եկեղեցում:

1989թ. Վազգեն Ա Ամենայն Հայոց կաթողիկոսի օրհնությամբ ստացել է լանջախաչ կրելու իրավունք:

1990-1992թթ. ծառայել է Թալինի Սուրբ Աստվածածին եկեղեցում:

1992-1995թթ. կրկին ծառայել է Շիրակի թեմի Ս. Յոթվերք առաջնորդանիստ եկեղեցում:

1996-2001թթ. ծառայել է ԱՀԹ Նորագավիթի Ս. Գևորգ եկեղեցում:

1998թ. Գարեգին Ա Ամենայն Հայոց կաթողիկոսի օրհնությամբ ստացել է ծաղկյա փիլոն:

2008թ. Գարեգին Բ Ամենայն Հայոց կաթողիկոսի օրհնությամբ ստացել է ավագ քահանայության պատիվ:

2001-2013թթ. ծառայել է Երևանի Զորավոր Սուրբ Աստվածածին եկեղեցում:

2013թ.-ից առ այսօր ծառայում է ԱՀԹ Նորագավիթի Ս. Գևորգ եկեղեցում:

Ամուսնացած է, ունի 3 զավակ: