Պատասխան – Թեպետ կան ոմանք, որ ասում են, թե կախարդական արվեստով եղավ, սակայն շատերն այսպես են հաստատում` ասելով, թե այն կախարդ կինը, երբ իր կախարդական գործերը պատրաստում էր, Աստված ևս կամենում էր, որ մի վերջին անգամ Սավուղին օգնություն հասնի, որպեսզի դարձի գա վերջին պահին, երբ պիտի մեռնի: Կնոջ կախարդությունից առաջ, Աստված իսկույն հրաշք գործեց, ինչը կախարդ կինն իր բոլոր դիվական հնարքներով չէր կարող անել, այլ միայն սատանայի միջնորդությամբ գուցե մի ցնորք ցույց տար կամ խաբուսիկ մի օրինակ` Սամուելի կերպարանքով: Սակայն դժոխքի բոլոր զորություններն անկարող են մեռյալներից որևէ մեկին կենդանացնել և անկարող են ապագան ճշմարտորեն գուշակել: