25 Ապրիլ, Եշ, Հինանց ԻԶ օր
Քահանաներ Ծխական խորհուրդ Տիկնանց միություն Երիտասարդաց միություն Ցերեկային կենտրոն 
Քրիստոնյա ընտանիք Հարցազրույցներ Ուխտագնացություն Սոցիալական ծառայություն
Գրքեր
Հարց 84 – Հրեից ազգը, չհավատալով Քրիստոսի գալստյանը, համոզում էր իրեն, թե հետին օրերը պիտի մարգարեի ասածի պես լինեն. «Վերջին օրերին պիտի հայտնվի Տիրոջ լեռը» (Եսայի 2:2): Ինչպե՞ս հասկանանք «հետին օր» արտահայտությունը:
Պատասխան – Կոռնելիոսն այսպես է մեկնում այս խոսքը. «Հատկապես Քրիստոսի ժամանակն է հետին ասվում, քանզի Քրիստոս է օրենքների և մարգարեների վախճանը: Հետին է ասվում՝ նայելով սկզբին և աշխարհում մնալուն»: Եթե ի սկզբանե աշխարհի բոլոր ժամանակները բաժանենք այսպես՝ սկիզբ, միջին և հետին, կամ երեք օրենքների ժամանակի՝ բնության, Մովսիսական և շնորհական, այդ ժամանակ շնորհական օրենքը կլինի վերջինը, որից հետո մեկ այլ օրենք չպիտի գա: Ուստի այդ օրենքների ժամանակը կկոչվի հետին օր:
