9 Օգոստոս, Գշ, Աստվածածնի պահքի Բ օր

Գրքեր

Առակներ և պատումներ

Հաճախ մարդիկ իրենց գաղափարներն ուրիշներին հաղորդելու և ավելի պարզ բացատրելու նպատակով առակներով են խոսում:

Առակը փոխաբերական իմաստ ունեցող պատմություն է, որը նպատակ ունի անուղղակի կերպով որևէ ճշմարտություն բացահայտել: Հնում «առակ» բառը նշանակել է նաև խրատ, իմաստություն։

Առակները ստիպում են ունկնդիրներին հետաքրքրվել, մտածել, խոկալ և ինքնուրույն եզրակացություններ անել:

Կայքի «Առակներ» բաժինը ներկայացնում է մարդկանց կյանքի տարբեր դրվագներ ու իրավիճակներ: Այս հոգեկերտիչ բարոյական պատմությունները օգնում են մարդուն բացահայտելու և հասկանալու Աստծո կամքը: Ավետարանական ու եկեղեցու ուսուցումների վրա խարսխված այս առակները, անկասկած, բարոյական անփոխարինելի ներդրում են մարդու հոգևոր աճի մեջ:

Աստվածային սեր, նախախնամություն, արդարություն և ամենակարողություն, աղոթք և պահեցողություն, «ես»-ի և մեղքի հաղթահարման բազում ուղիներ. ահա այս թեմաներն են արծարծված առակներում:

Անուրանալի է առակների ուժը, քանի որ հասարակ ժողովրդի մտքի վրա ավելի մեծ տպավորություն է գործում նյութական ձևի վերածված պատկերը, քան՝ վերացական գաղափարը:

Մարդ արարածը սիրում է սովորել օրինակով. ընդօրինակելը նրա համար ավելի հեշտ է, քան վերացական խրատը։

«Եվ ինչպես, երբ ծառն են տնկում, զգուշանում և պահպանում են, որ ամրանա և պտուղ տա, այդպես էլ պետք է խրատը լսել, մտապահել, որ պտղաբերի» (Սբ. Գրիգոր Տաթևացի):

 

Կազմեց Կարինե Սուգիկյանը

 

Վե՛ր կաց
Երբ աշակերտը մեղքերի խոստովանությամբ ծերի մոտ էր գալիս, վերջինս նրան միշտ ասում էր. - Վե՛ր կաց: - Բայց արդեն բազմիցս եմ վեր կացել ու ընկել: - Կրկին վեր կաց: - Մինչև ե՞րբ պիտի ընկնեմ ու վեր կենամ: - Մինչև մահը գտնի քեզ՝ ընկած կամ վեր կացած:   Ռուսերենից թարգմանությունը՝ Էմիլիա Ապիցարյանի     .....
Գաղտնիքը
Աշակերտները հավաքվում են սրբակյաց ծերունի ճգնավորի մոտ և հարցնում. - Հա´յր սուրբ, ինչումն է գաղտնիքը, որ այսպիսի պատկառելի տարիք ունես և ավելի առողջ ու առույգ ես, քան մենք, և չես հիվանդանում... Ճգնավորը պատասխանում է. - Աստծո կամքն է այդպես..., Տերն է այդպես որոշել այս անարժան ծառայի համար: Այնուհետև մի պահ մտախոհ դադար է տալիս և տխուր-տխուր շարունակում. - Երկար տարիներ առաջ աղոթք էի անում, մի մարդ հայտնվեց` անգույն, սմքած, բայց սառնասիրտ .....
Նահատակները
- Հա՛յր, Եկեղեցին ինչո՞ւ է պսակադրությունը սուրբ անվանում,- հարցրեց մի երիտասարդ վանական: - Որովհետև դրանում բազում նահատակներ կան,- ժպիտով պատասխանեց ծերը:   Ռուսերենից թարգմանությունը՝ Էմիլիա Ապիցարյանի   .....
Գայթակղության մասին
Մի մարդ Մեծն Անտոնին ասաց. - Դու Արևելքի մեծագույն վանականն ես: - Սատանան արդեն ասել է ինձ,- պատասխանեց սուրբը:   Ռուսերենից թարգմանությունը՝ Էմիլիա Ապիցարյանի   .....
Երբ ուշ է
Թերթի խմբագիրը կեսօրին ինչ-ինչ պատճառներով չի կարողանում մասնակցել կարևոր գործնական հանդիպմանը և խորհում է, թե այլևս ուշ է իր կամեցած մտահաղացումը իրականացնել ու երեկոյան տխուր մտնում է եկեղեցի, սակայն վճռականորեն որոշում է, որ այսուհետ ամբողջ սրտով, հոգով ու մտքով ամեն ինչ թողնելու է Աստծու կամքին: Այդժամ զգում է, որ ինչ-որ մեկն իր կողքին է կանգնած և ասում է. - Երբ մենք Աստծուն ենք վստահում, երբեք որևէ բան ուշ չէ իրականացնելու համար, որովհետև .....
Հավատի հարց է
Աբբա Եսարիոսն ասում էր. «Հավատացողի համար հարցեր չկան, իսկ չհավատացողի համար՝ պատասխաններ»:   Ռուսերենից թարգմանությունը՝ Էմիլիա Ապիցարյանի   .....
Զրուցակիցը
Մի ծերի հարցրեցին. - Ինչպե՞ս է համբերությունդ բավականացնում աշխարհի այդ լքված անկյունում միայնության մեջ անցկացնելու համար: - Ես երբեք միայնության մեջ չեմ լինում: Միշտ զրուցակից ունեմ ի դեմս Տիրոջ: Երբ ուզում եմ, որ Նա խոսի ինձ հետ՝ Սուրբ Գիրքն եմ կարդում: Իսկ երբ ինքս եմ ուզում Նրա հետ խոսել՝ աղոթում եմ:   Ռուսերենից թարգմանությունը՝ Էմիլիա Ապիցարյանի   .....
Ժուժկալություն
Ոմանք պատմում էին հայր Մոյիի մասին, թե նա հիվանդացավ և բազում տարիներ ջերմում էր, սակայն երբեք մտքովն իսկ չանցկացրեց նայել ներքին սենյակը և տեսնել, թե ինչ կա այնտեղ, որովհետև շատերն էին նրա համար անհրաժեշտ բաներ բերում: Իսկ իր աշակերտ Հովհաննեսի մտնել-ելնելու ժամանակ փակում էր աչքերն ու երեսը, որպեսզի չտեսնի, թե նա ինչ է անում, քանզի գիտեր, որ նա վստահելի և հավատարիմ մենակյաց է:   «Սուրբ հայրերի վարքն ու կենցաղավարությունը» գրքից, .....
Ի՞նչ ես տեսնում
Հուսահատության դևերով շրջապատված մի վանական եկավ աբբա Սերաֆիմի մոտ: Նրա վիճակը տեսնելով՝ ծերն ասաց. - Եղբա՛յր, նախ մի կողմ թող տագնապներդ, պառկիր այս խսիրի վրա և թուլացրու մարմինդ: Այնուհետև ազատ ասա այն ամենն, ինչ տեսնում ես քո հուսահատության մեջ: - Նախ և առաջ, հա՛յր, տեսնում եմ, որ խցիդ առաստաղն իսկապես սպիտակեցնելու կարիք ունի:   Ռուսերենից թարգմանությունը՝ Էմիլիա Ապիցարյանի    .....
Ոչինչ չանել ի ցույց
Մի անգամ մի իշխան եկավ աբբա Սիմեոնին տեսակցության: Եկան կղերիկոսները և ասացին. «Աբբա՛, պատրաստվի՛ր, քանզի մի իշխան է եկել քեզ տեսնելու և քեզանից օրհնություն ստանալու»: Եվ նա ասաց. «Այո՛, հիմա կպատրաստվեմ»: Հագավ իր ցնցոտիները, հաց ու պանիր վերցնելով ձեռքը՝ նստեց դռանը և սկսեց ուտել: Եկավ իշխանն իր սպասավորներով և տեսնելով նրան՝ հայհոյեց և ասաց. «Ա՞յս է անապատականը, որի մասին լսեցինք»: Եվ նույն պահին էլ ետ դարձավ:   «Սուրբ .....
Ճառագայթը
Աշակերտը հարցնում է ծեր վանականին. - Հա´յր սուրբ, չար ոգիներն անընդմեջ վատ ու անհանգստացնող մտքեր են ներշնչում և ուղարկում, սակայն ինչքան աղոթում եմ, միևնույն է, այդ մտքերից չեմ ազատվում: Վանականը պատասխանում է. - Երբ արևի ճառագայթն ընկնում է հողի մեջ ընկած սերմերի վրա, այդ սերմերը ջերմանալով ուժ են ստանում և աճում: Դու մոռանում ես, որ այդ ճառագայթը քո ուշադրությունն է, որը ոչ թե պետք է անդրադառնա այդ չար մտքերի սերմերին, ջերմացնի, ուժ .....
Սթափություն
Աբբա Եղիասն ասաց. «Ես երեք բանից եմ երկնչում. երբ իմ հոգին ելնի մարմնիցս, երբ հանդիպի Աստծուն և երբ պատասխանները դուրս գան ինձանից»:   «Սուրբ հայրերի վարքն ու կենցաղավարությունը» գրքից, Հատոր Ա, Էջմիածին 2016 .....
Յուրաքանչյուր մարդ ինչ որ մեկի խնդրի լուծումն է
- Երկրի վրա յուրաքանչյուր մարդ ինչ որ մեկի խնդրի լուծումն է,- մի անգամ ասաց իմաստուն տատիկս: Ես շատ զարմացա այդ խոսքերից: - Դու ինչ որ մեկի խնդրի լուծումն ես,- կրկնեց նա և պարզաբանեց,- Այն շնորհը, որ տրվել է քեզ, հնարավոր է, որ ոչ բոլորին պետք լինի, բայց այն անպատճառ ուղղակի անհրաժեշտ է ինչ որ մեկին՝ քո ժպիտը, քո սերը, քո ուժը…   Ռուսերենից թարգմանությունը՝ Էմիլիա Ապիցարյանի    .....
Մենակյացի կարգը
Ոմն եղբայր հարցրեց հայր Արսենին և ասաց. «Իմ խորհուրդներն ինձ խռովեցնում են, ասելով՝ ո՛չ կարողանում ես աշխատել և ո՛չ էլ պահեցողություն անել. գնա՛ հիվանդներին խնամիր. դա էլ է մեծ գործ»: Ծերը, անմիջապես ճանաչելով սատանայի սերմանածը, ասաց նրան. «Գնա կե՛ր, ըմպի՛ր, ննջի՛ր և մի՛ աշխատիր, միայն թե խցից դուրս մի՛ արի՝ գիտենալով, այն որ խցում մենակ նստելն է մենակյացին իր կարգի մեջ պահում»: Եվ նա այդպես արեց երեք օր. ուտում էր, ըմպում և քնում: .....
Ենթադրությունները
Ճամփեզրին երկու հոգի կանգնած զրուցում էին: Մի գինեմոլ անցավ նրանց կողքով ու մտածեց. - Նրանք երևի հիմա պայմանավորվում են միասին գինետուն գնալու և խմելու մասին: Եվ իր բոլոր գործերը մոռանալով՝ շտապեց գինետուն: Հետո անառակ կյանք վարող մեկն անցավ ու մտածեց. - Ահա, մարդիկ օրը ցերեկով, առանց վախենալու պայմանավորվում են մարմնական հաճույքների մասին: Իսկ ես ինչո՞վ եմ նրանցից պակաս: Եվ ճանապարհը փոխելով՝ գնաց զվարճանալու: Մի արդար մարդ էլ .....

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․