Սաստիկ քամին

Մի ճամփորդ դիմեց վանահորն՝ ասելով.

- Ուզում եմ կյանքս ավելի լավը դարձնել, բայց չեմ կարողանում ինձ պաշտպանել մեղավոր մտքերից:

Վանահայրն ուշադրություն դարձրեց դրսում փչող սաստիկ քամուն և ճամփորդին ասաց.

- Այստեղ մի քիչ շոգ է: Երախտապարտ կլինեմ, եթե այդ քամուց մի կտոր վերցնես ու ներս բերես, որպեսզի սենյակը զովանա:

- Անհնար է,- ասաց ճամփորդը:

- Այդպես էլ անհնար է պաշտպանվել Աստծուն տհաճ մտքերից,- պատասխանեց վանականը,- բայց եթե գիտես, թե գայթակղությանն ինչպես «ո՛չ» ասել, ապա դրանք քեզ ոչ մի վնաս չեն հասցնի:

Ռուսերենից թարգմանությունը՝ Էմիլիա Ապիցարյանի