Գրքեր
Հարց 64 - Ի՞նչ օգուտ Սրբերի նշխարները տեսնելուց:

Պատասխան – Նույն երանյալ վարդապետն (հարց 63) այսպես է հրամայում. «Եթե որևէ մեկը հասնում է Սրբերի վկայարանին, իր անձը այնպես պիտի «չափի ու ձևի» (զգաստացնի), ինչպես պատանիներից մեկը խնջույքի ժամանակ իր կողքին տեսնում է դաստիարակին, և վերջինս էլ ակնարկում ու պատվիրում է նրան` վայելուչ կերպով ուտել, խմել, խոսել, ծիծաղել և ընդհանրապես պատկառանք ունենալ, որպեսզի, չափն անցնելով, իր համբավը չաղարտի: Եվ այն տապանը տեսնողը բարեպաշտագույն պիտի լինի և այդ երանելիին իր մտքում բևեռի` անմիջապես մոտենալով տապանին: Այնտեղ հասնելով` ավելի մեծ երկյուղածությամբ պիտի զարդարի իր անձը, ապա իր ողջ էությունից պիտի թոթափի բոլոր վատ արարքները և թռչունի պես թեթևացած հեռանա այդտեղից: Իսկ ճանապարհին ում հանդիպի` քաղաքից դուրս գալիս, նույն պարկեշտությամբ պիտի նրան ուղարկի հոգևոր զբոսանքի ոչ միայն այս խոսքերն ասելով` «Ցնծացե՛ք Տիրոջ առաջ երկյուղով», այլ նաև առաքելական խոսքը դրան հավելելով` «Արդ, ուտեք թե խմեք, կամ ինչ էլ անեք, ամեն ինչ արե՛ք Աստծու փառքի համար» (Ա Կորնթ. 10:31):

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․