1 Ապրիլ, ԴՇ, Մեծ Պահքի ԼԸ օր

Գրքեր

Որտեղ կա սեր, այնտեղ կա Աստված

Աստվածային սերն անսահման է և անփոփոխ: Աստծո պատկերով և նմանությամբ արարված մարդը պետք է հատի եսասիրության սահմանը, որպեսզի կարողանա տեսնել իր շուրջը գտնվողներին: Աստվածային սերն օգնում է մարդուն ուշադիր լինել և նկատել դիմացինին ու նրա կարիքը: Շատ հաճախ մարդիկ, միայն իրենց մասին մտածելով, իրենց են համարում կյանքի կենտրոնը: Երբ օրենքի ուսուցիչներից մեկը Քրիստոսին հարցրեց՝ ո՞վ է իմ ընկերը, Տերն ի պատասխան պատմեց «Բարի սամարացու» առակը՝ ցույց տալով, որ քո ընկերը նա է, ով քո կարիքն ունի և այդ պահին նա է քո կյանքի կենտրոնը: «Ով սեր ունի, նա իր ներսում Աստծուն ունի: Որտեղ սեր կա, սխալները սակավանում են, իսկ որտեղ սեր չկա, նույնիսկ առաքինությունները դառնում են թերություններ: Ամբողջ աշխարհի հետ հաղորդակցվելու համար անհրաժեշտ է աշխարհի բոլոր լեզուներն իմանալ, կամ էլ՝ միայն սեր ունենալ: Սեր ունենալով՝ ընդհանուր լեզու ենք ունենում՝ համաշխարհային լեզու, որով կարող ենք հաղորդակցվել բոլոր մարդկանց հետ ողջ աշխարհում»,- ասել է Հայր Գաբրիել Աթոսացին:

Փետրվարի 19-ին, Զորավոր Ս. Աստվածածին եկեղեցու և «Արև-երեխաներ» ՀԿ-ի սոցիալական ծրագրերի շրջանակում, հոգևոր հովիվ Տեր Գրիգոր քահանա Գրիգորյանը Հարությունյան Մանուշակին (55 տ.) հանձնեց դրամական օգնություն (50 000 դրամ), որ տրամադրել էր համայնքի անդամ Արմեն Բաղդասարյանը: Տիկին Մանուշակն իր դստեր՝ Գրետայի (17 տ.) հետ վարձակալությամբ բնակվում է Նոր Նորքի 2-րդ զանգվածի Ն. Ստեփանյան 11 շ., 7 բն. հասցեում: Գրետան Դաունի համախտանիշ ունի: Երգ ու պար սիրող արև Գրետան մասնակցում է «Արև-երեխաներ» ՀԿ-ի կազմակերպած դասընթացներին, նաև պատրաստվում է հաճախել Արևի թատրոն: Տիկին Մանուշակը, առողջական խնդիրներ ունենալով, աշխատում է, սակայն իր նվազագույն աշխատավարձով դժվարանում է տան վարձը վճարել և իրենց նվազագույն կարիքները հոգալ: Նա շնորհակալություն հայտնեց աջակից անձին՝ օգնության ձեռք մեկնելու համար:

 

Կարինե Սուգիկյան

19.02.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․