14 Օգոստոս, Ուր, Աստվածածնի պահքի Ե օր

Գրքեր

Քարոզիչը

Խավարասեր բզեզները կեսգիշերին հավաքվում են, լուր ուղարկում բոլոր միջատներին, մի բացատում համախմբում և նրանցից մեկը բարձրադիր վայրից հայտարարում է.

- Ճշմարտությունը լույսի մեջ է: Նայեք աշխարհին և նրա սահմաններին. ամենուր մեզ խավարն է պատել: Արդեն բավ է, պետք է պայքարենք հանուն լույսի, կյանքի, արդարության, հավասարության:

Մեկ այլ բզեզ մոտենում է ճառ ասողին ու տագնապահար զգուշացնում.

- Շատ մի ոգևորվիր, ավարտիր ճառդ. ժամանակն է հեռանալու, որովհետև արևածագը սկսում  է, և լույսը բացվում է:

Գործերից ճանաչեք մարդկանց, թե ինչ են սիրում անել և գործել, թե ինչ են ասում ու խոստանում: Կեղծ ուսուցիչներն ու քարոզիչները միայն խավարի մեջ են խոսում լույսի, արդարության, բարոյականության մասին: Լույսի մեջ նրանք լույսից չեն խոսում, որովհետև լույսը բացահայտում է նրանց գործերը և նրանց լռեցնում: Ուստի, նրանք լույսով չէ, որ ապրում են, այլ խավարով ու խավարասեր են կոչվում, սակայն սիրում լույսից խոսել և ճառել....

 

Հովհաննես Մանուկյան

20.06.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․