14 Օգոստոս, Ուր, Աստվածածնի պահքի Ե օր

Գրքեր

Բեռը

Երկու պանդուխտ, որ երջանկություն էին փնտրում, մի դղյակի մոտ հանդիպում են Աստծո հրեշտակին: Ուրախանում են, որ վերջապես գտան այդպիսի հրաշալի էակի, ով իրենց կօգնի կյանքում հաջողություն հասնելու:

Հրեշտակը նրանց ցույց է տալիս երկու մեծ պարկեր և ասում.

-Երկնավոր Հայրը խնդրել է, որ այս երկու ծանր պարկերը վերցնեք և վերադառնաք ձեր տները:

Պանդուխտներից մեկը դժգոհելով հեռանում է.

-Ես էլ մտածում էի, թե ահա գտել էլ մեկին, ով կօգնի ինձ կյանքը վայելել, բայց սա մի մեծ բեռ է տալիս ու ասում շալակիր ու տար…

Մյուս մարդը լռելյայն վերցնում է ծանր պարկն ու տխուր հեռանում:

Հրեշտակն ասում է.

-Բայց դու չհարցրեցիր, թե պարկի մեջ ի՞նչ կա:

Պանդուխտը ուսից ցած է դնում պարկը, բացում և զարմացած ժպտում, քանի որ պարկն ամբողջությամբ լցված էր թանկարժեք իրերով ու ոսկեդրամներով:

Աստված գիտի իր տված արժեքի գինը և կամենում է, որ մարդն էլ հասկանա այդ արժեքի գինն ու իրապես արժևորի: Իսկ բեռը կարող է լինել և դժվարություն, և այլ խնդիրներ, որոնք ի վերջո մարդու օգուտի համար են…

 

Հովհաննես Մանուկյան

 

30.07.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․