19 Մարտ, Գշ, Մեծ պահքի ԼԷ օր

Գրքեր

Դրամը

Մի կոշկակար բարձրաբերձ ժայռից նայում է ալեկոծ ծովի ալիքներին ու մեծ բաղձանքով ասում.

- Տեսնես Աստված ինձ էլ շատ դրամ կտա, որպեսզի այլևս հին կոշիկներ չկարկատեմ ապրուստ վաստակելու համար:

Եթե իմ այս խնդրանքն իրագործի, խոստանում եմ կկատարեմ այն ամենը, ինչ Աստված կամենա:

Որոշ ժամանակ անց մի մեծ պարկ շալակած Հիսուս մոտենում է նրան և ասում.

- Ահա բերել եմ այն, ինչ խնդրել ես:

Պարկը դնում է գետնին, և կոշկակարը տեսնում է պարկով լի փայլփլուն ոսկեդրամներն ու անչափ ուրախանում և երախտագիտությամբ ասում.

- Տե՛ր իմ, պատրաստ եմ կատարելու քո կամքը, դու միայն ասա, և ես իսկույն կիրագործեմ այն:

Հիսուս պատասխանում է.

- Քեզ մի փոքրիկ խնդրանք ունեմ...

Կոշկակարը ժպտալով ասում է.

- Միայն այդքա՞նը: Պատրաստ եմ անձնվիրաբար ավելի մեծ պատգամ կատարել:

Հիսուս կրկին ասում է.

- Մի փոքրիկ խնդրանք ունեմ: Վերցրու այս պարկով լի դրամներն ու այս ժայռից նետիր դեպի ծովը:

Կոշկակարն անակնկալի է գալիս, տխրում, սկզբում պատասխան չի գտնում ասելու, այնուհետև վարանելով և շվարած ասում.

- Բայց ինչպե՞ս... ամբո՞ղջը...

Հիսուսը պատասխանում է.

- Ինչո՞ւ ես տխրում: Դու ավելի շատ ուրախացար, որ վերջապես այս ոսկեդրամները ստացար, այլ ոչ թե նրա համար, որ ինձ տեսար: Իսկ այժմ տխրում ես, որ դրանցից պիտի բաժանվես, բայց չէ՞ որ ես քո կողքին եմ` Տերն ամենայնի` երկնքի ու երկրի...

Աստված կամենում է, որպեսզի մենք կախվածության մեջ չլինենք երկրավոր արժեքներից, այլ ազատ լինենք` ունենալով Իր ներկայությունն ու խոսքը մեր սրտերում:

 

Հովհաննես Մանուկյան

13.07.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․