19 Մարտ, Գշ, Մեծ պահքի ԼԷ օր

Գրքեր

Սահմաններ

Երփներանգ ծաղիկներով լեցուն անծայրածիր դաշտի կենտրոնում մի տակառի միջից օգնության կանչ է հնչում.

- Օգնեցե՜ք, օգնեցե՜ք... Երկնավո՛ր Հայր, այլևս չեմ համբերում, օգնի՛ր ինձ, կյանքի անհաջողություններից հոգիս ճնշվում է և խեղդվում...

Թակոց, թխկթխկոց է լսվում և մի ձայն.

- Ինչո՞ւ ես մտել տակառի մեջ : Չէ՞ որ սահմանների մեջ ամեն ինչ սահմանավոր է` և՛ համբերությունը, և՛ կամքը, և՛ պայքարելու ոգին ու նպատակին հասնելու ձգտումը: Դո՛ւրսեկ այդ տակառից և կյանքին նայիր հոգևոր աչքերով ու աստվածային սիրով, և սիրտդ այլևս չի լցվի անհաջողությունների հեղեղով, ինչպես բաժակի մեջ ջուրն է լցվում ու դուրս հորդում, իսկ անսահմանության մեջ լցվելու ու դուրս հորդելու տեղ չունի, քանի որ անէանալով անցնում ու գնում է:

Մարդը՝ վախվորած ու դանդաղ, գլուխը դուրս է հանում տակառի միջից, քիչ հեռու տեսնում Հիսուսին և հեռավոր ու անսահման հորիզոնը, դաշտի ծաղիկներին և ժպտում է:

 

Հովհաննես Մանուկյան

28.06.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․