Գրքեր

Սպասված բարիքը

Երբ մի օր աշակերտն իր աղոթքի սպասված ակնկալիքները չի ստանում, գնում է խորհուրդ հարցնելու վանահորից, որը մի պատմություն է պատմում. «Այգեպանն իր երկու որդիներին այգու բարիքներից բաժին է հանում, մեկին՝ կողովով լի ընկույզ է տալիս, մյուսին՝ սալոր:

Փոքր որդին դժգոհում է.

-Մեծ եղբորս ընկույզ նվիրեցիր, դա ավելի թանկ արժե, քան այս սալորը:

Այգեպանը պատասխանում է.

-Մի՞թե չգիտես, որ ծույլ ես և ջանք չես գործադրի, որպեսզի ընկույզը կոտրես և ուտես, այլ մի կողմ կնետես ու ձեռնունայն կմնաս, դրա համար էլ քեզ առայժ այդ սալորը տվեցի, որ առանց ջանք թափելու ուտես: Եվ երբ ավելի հասուն դառնաս, ավելի արժեքավորի իմաստը հասկանաս ու ջանք գործադրես, այդժամ առավել արժեքավոր պտուղներն իբրև պարգև կստանաս»:

Սբ. Պողոս առաքյալն ասում է. «Եղբայրնե՛ր, մտքով երեխա մի՛ եղեք, այլ եղե՛ք երեխա չարություն գործելու մեջ, բայց մտքով եղե՛ք չափահաս» (Ա Կորնթ. 14.20):

 

Հովհաննես Մանուկյան

01.11.22
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․