19 Նոյեմբեր, Գշ, Հիսնակաց պահքի Բ օր

Գրքեր

Բուն բարեկենդանը Զորավոր Ս. Աստվածածին եկեղեցում

Մարտի 3-ին Հայ Առաքելական Սուրբ եկեղեցին նշեց Բուն բարեկենդանը՝ բարեկենդաններից ամենամեծը, որ նախորդում է Մեծ պահքին: Երևանի Զորավոր Ս. Աստվածածին եկեղեցում Ս. Պատարագի մասնակիցները օրվա խորհրդին հաղորդ դարձան՝ ունկնդրելով Տեր Վահան քահանա Առաքելյանի քարոզխոսությունը, որում մասնավորաբար ասվում էր. «Ուրախությամբ սկսվում է Մեծ պահքը և առավել ևս ավարտվում բազմապատիկ ցնծությամբ՝ մեր Տեր և Փրկիչ Հիսուս Քրիստոսի Սուրբ Հարությամբ, քանի որ այն կյանքը, որից զրկվել էր մարդն իր անհնազանդությամբ, Քրիստոսի Հարությունը խոստանում է վերադարձնել մարդուն: Հետևաբար՝ մեզ բոլորիս մաղթում եմ ապաշխարության արդյունավետ շրջան և ընթացք, որպեսզի Սուրբ Հարության տոնին քաղենք այն պտուղները, որոնց համար ջանքեր ենք գործադրել, որոնց համար տքնել և աղոթել ենք, և մեր հոգու անդատաստանն իր պտուղներով ուրախություն պատճառի ոչ միայն մեզ, այլ նաև երկնքին»:

Ս. Պատարագի մասնակիցները արարողության ավարտին ազգային կոլորիտով զարդարուն եկեղեցու բակում մասնակից եղան նաև բարեկենդանյան տոնախմբությանը: Ներկաներն ունկնդրում էին «Զորավոր մանկունք» երգչախմբի կատարումները և հյուրասիրվում տիկնանց միության կողմից պատրաստած տոնական սեղանից: Ազգային երաժշտությունը ազգային պարերի շուրջ էր համախմբել ներկաներին: Բարեկենդանյան ուրախ տրամադրությունը համակել էր բոլորին: Դարավոր սովորության համաձայն՝ բարեկենդանը հայ ազգի համար այնքան սիրված և սպասված տոն է եղել, որ ընկալվել է որպես ամենաազգային և հավաքական տոն, որն ուղեկցվել է պարերով, խաղերով,  զվարճահանդեսներով, թատերախաղերով, այցելություններով և ճոխ ու առատ ուտելիքների վայելումով: 

 

Կարինե Սուգիկյան

03.03.19
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․