Գրքեր

Հավատարմություն

Թագավորը փոքրաթիվ զինվորներով մի ձորակում մարտական շարքով կանգնած սպասում է հուժկու արագությամբ իրենց մոտեցող թշնամու հեծյալ զորաջոկատին:

Իր աջ կողմում գտնվող զինակցին ասում է.

- Գովելի է, երբ դու պատրաստակամություն հայտնեցիր ծառայելու ինձ և զինակցելու այս ճակատամարտում: Հիշում եմ` ամեն անգամ հաղթական քայլերթով մայրաքաղաք էինք մտնում, հավաստիացնում էիր, որ ամեն պարագայում էլ հավատարիմ կծառայես ինձ և պահանջում էիր նոր հնարավորություններ ու ակնկալիքներ: Այժմ, վերհիշելով քո հավատարմությունը, այս դժվարին պահին վստահում եմ քեզ, որպեսզի ապահովես իմ թիկունքի պաշտպանությունը, իսկ մենք հեռանում ենք...

Զինակիցը տարակուսած պատասխանում է.

- Բայց ինչպե՞ս միայնակ մարտի բռնվեմ մի ամբողջ զորաջոկատի հետ...

Թագավորն ասում է.

- Մի՞թե չես վստահում ինձ.

Ապա զինվորների հետ հեռանում է նրան թողնելով այդտեղ:

Այս մարդը նայում է մոտեցող թշնամու լավ զինված զորաջոկատին, որը կարճ ժամանակ անց կարող է նրան շրջապատել: Թագավորի խոսքի հանդեպ սիրտը կասկածանք է ընկնում, շրջվում է և երկմտելով արագ հեռանում այդ վայրից,մոտենում արքային, ով ասում է.

- Նայի՛ր դեպի վեր. ծառերի ու բլուրների վրա թշնամու զորաջոկատից կրկնակի իմ նետաձիգներն են կանգնած: Հակառակորդի ջոկատը նույնիսկ չէր կարող քեզ մոտենալ, իսկ դու երկմտեցիր ու ինձ չվստահեցիր, այդ դեպքում ինչպե՞ս ես ակնկալիքներ ու նոր հնարավորություններ սպասում, երբ իրապես ինձ չե՞ս հավատում:

Իսկ մենք ավելի շատ հավատարի՞մ ենք Աստծուն, թե՞ ավելի շատ պահանջում ենք ու բողոքում...

 

Հովհաննես Մանուկյան

30.06.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․