Կրկեսային ուրախ նվեր կիրակնօրյա դպրոցի սաներին

Մարտի 16-ին Զորավոր Ս. Աստվածածին եկեղեցու «Զորավոր» կիրակնօրյա դպրոցի սաները ծնողների և մանկավարժ Տաթևիկ Պետրոսյանի հետ միասին Հակոբ Պարոնյանի անվան երաժշտական կոմեդիայի պետական թատրոնում մասնակից եղան կրկեսի, էստրադայի և կինոյի հայ դերասան, ծաղրածու, ՀԽՍՀ ժողովրդական արտիստ Լեոնիդ Ենգիբարյանի ծննդյան 89–ամյակին նվիրված կրկեսային բազմաժանր ներկայացմանը: Ուրախ կրկեսային ներկայացումը մեծ ուրախություն և ոգևորություն պատճառեց երեխաներին: Իսկ ուրախ նվերը կիրակնօրյա դպրոցի սաներին պարգևել էր Զորավոր Ս. Աստվածածին եկեղեցու սպասավոր Հրաչ դպիր Պետրոսյանը: Երեխաները տպավորված և բարձր տրամադրությամբ վերադարձան իրենց տուն:

Մարդ չի կարող միայնակ ուրախություն զգալ, և երջանկությունը կրկնակի առանձնահատուկ, գունեղ և հուզիչ է դառնում է, երբ այն կիսում ենք մարդկանց հետ: Եջանկության մի մասնիկն անգամ, երբ պարգևում ենք դիմացինին, բազմապատկվում և ավելիով վերադառնում է պարգևողին: Սուրբ Գիրքը դարեր շարունակ հորդորում է Քրիստոսի հետևորդներին և ասում. «Ավելի երջանկաբեր է տալը, քան վերցնելը» (Գործք Առ. 20:35):

Կարինե Սուգիկյան