Գրքեր

Մի բաժակ ջուր

Տարիքն առած մի մարդ ջրհորի մոտ նստած մի բաժակ ջուր է խնդրում: Առաջին անցորդը մեծահարուստ պաշտոնավոր է լինում: Մոտենում է և սկսում պատմել, պարծենալ, թե ինչպիսի մեծամեծ գործեր է կատարել: Այս ջրհորից ավելի լավ ջրհորներ փորել տվել, հուշարձաններ կառուցել, որոնց վրա իր անունն են փորագրել: Իսկ հիմա մի անծանոթ մարդ համարձակվում է իրեն ասել, թե կռացիր և ջրհորից մի բաժակ ջուր հանիր, երբ ինքը հրավիրված է թագավորի հետ հանդիպման և շատ է շտապում:

Հաջորդ անցորդը մի կավագործ է լինում, խոնարհվում է, ջրհորից ջուր հանում և տալիս տարեց մարդուն, որը հարցնում է.

- Ո՞ւր էր այդ պաշտոնավոր մարդը շտապում:

Կավագործը պատասխանում է.

- Ասում էր, թե թագավորին պիտի հանդիպի: Գնում էր նրա մոտ:

Տարիքով մարդը ժպտում և ասում է.

- Նա այդպես էլ կփնտրի թագավորին և չի գտնի, որպեսզի հանդիպի, երբ հասարակ մարդու զգեստներով այստեղ եմ:

Այնուհետև գրպանից հանում է թագավորական մատանին և նվիրում կավագործին: Իսկ հեռվից թիկնապահ հեծյալների խումբն է մոտենում:

 

Այդպես էլ Աստված մարդուն գնահատում է ոչ թե նրա իրագործած աշխատանքներով, այլ նրա խոնարհության չափով:

 

 

Հովհաննես Մանուկյան

07.03.23
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․