Սովորություն դարձած բարձրություն

Երկրաբանն արշավի մեկնեց դեպի մի բարձր լեռնաշղթա: Սկզբնական շրջանում նա դժվարանում էր նույնիսկ շնչել ու աշխատել, նաև անքնությամբ էր տառապում: Գործընկերները հանգստացնում էին նրան.

- Դեռ կսովորես բարձրությանն ու այն ժամանակ հեշտ կլինի:

Որոշ ժամանակ անց իսկապես սովորեց բարձ լեռնային գոտուն: Հաջողությամբ աշխատում էր և նույնիսկ փոքրիկ ճամփորդություններ էր կատարում:

Երբ կարճ ժամանակով քաղաք վերադարձավ, նրան հարցրեցին.

- Դե ինչ, երիտասա՛րդ, ինչ-որ բան գտա՞ք այնտեղ:

- Այո՛,- պատասխանեց նա,- համբերություն:

«Եվ ձեր համբերությամբ պիտի շահեք ձեր հոգիները» (Ղուկ. 21:19):

Ռուսերենից թարգմանությունը՝ Էմիլիա Ապիցարյանի