Գրքեր
Օրհնեցեք, Տեր Հայր: Ի՞նչ է մուրացկանությունը:

Մուրացկանությունն այն գործունեությունն է, որը ծավալում է մուրացկանը: Սակայն մուրացկան ասելով չպետք է հասկանալ աղքատ և կամ աղքատ ասելով չպետք է հասկանալ մուրացկան, քանզի ամեն մի մուրացկան չէ, որ աղքատ է և ամեն մի աղքատ չէ, որ մուրացկան է: Իսկ եթե ուշադրություն դարձնենք մեր Փրկչի խոսքերին, որ ասում է. «Ծարավ էի և ջուր տվեցիք, քաղցած էի և կերակրեցիք, մերկ էի և հագուստ տվեցիք… սրանցից մեկին արեցիք այդ, Ինձ համար արեցիք» (Մատթ.25:35, 36, 40), դիտելի է հետևյալը. մեր Տերը շեշտում է՝ սովածին կերակրել, մերկին հագուստ տալ և այլն: Ամեն մի բարիք երկնավոր Հորից է և մենք պետք է որպես բարի տնտեսներ չվատնենք այն, այլ եթե Աստված մեզ միջոցներ է տվել աղքատին կերակրելու, ապա ջանանք այդ միջոցները հասցնել աղքատին և ոչ թե աղքատության դիմակի տակ թաքնված «գործարարին»: Սակայն, եթե նույնիսկ ձեզնից խնդրել են ողորմություն և օրինակ՝ հարբեցողության վրա վատնել, ապա պետք չէ ափսոսել, քանզի Աստծուն ծառայելու, աղքատին ողորմելու տրամադրվածությամբ եք տվել և Աստված ձեր սրտի համաձայն կհատուցի ձեզ: 

ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․