Գրքեր

Դիմացինին լսելու կարողությունը

Երկու հպարտ իշխան տոնական սեղանի շուրջ վիճում են, թե իրենցից ով է ճշմարիտ և դրա համար դիմում են թագավորին, որը նրանց ուղարկում է ծեր և իմաստուն եպիսկոպոսի մոտ, որպեսզի այդ հարցին պատասխանի: Սակայն ծերունի եպիսկոպոսը երկուսին էլ արդարացի է համարում և նրանցից յուրաքանչյուրին ասում.

- Արդ, եթե քո դատողությունը ճիշտ է, դա դեռ չի նշանակում, որ դիմացինի դատողությունը սխալ է:

Թագավորը հոգևորականին զարմացած հարցնում է.

- Ինչո՞ւ երկուսին էլ ճիշտ համարեցիր: Ինչո՞ւ էին վիճում:

Ծերունի եպիսկոպոսը ժպտալով պատասխանում է.

- Նրանցից մեկն ասում էր, որ չորս ստացվում է, երբ երկուսը գումարում ես երկուսին, մյուսն ասում էր՝ ո՛չ, չորս ստացվում է, երբ երկուսը բազմապատկում ես երկուսով: Այդքան պարզ և հասկանալի հարց էր, բայց նրանց հպարտությունը թույլ չէր տալիս միմյանց լսել ու նույնիսկ այդ պարզորոշ իրողությունը հասկանալ, այլ յուրաքանչյուրն իր տեսակետն էր պնդում, ու միայն դա ճիշտ համարում:

 

Հովհաննես սրկ. Մանուկյան

22.02.18
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․