2 Մարտ, Գշ, Մեծ պահքի ԺԶ օր

Գրքեր

Խոչընդոտը

Կեսգիշերին մի քրիստոնյա լապտերների լուսավորության ուղեկցությամբ քայլում է փողոցով: Լույսի ներքո հսկա ստվեր է տեսնում: Տագնապում է և ասում.

-Առաքյալի մարգարեական խոսքերի իրականացումն է:

Հայտնության գրքի ահռելի գազանի ստվերն է, որ եկել է աշխարհ ու հիմա իմ առջև է կանգնած:

Եթե փախչեմ, կհասնի ու ինձ կուլ կտա: Տե՛ր Աստված, հենց իմ առջև պիտի հայտնվե՞ր այս գազանը: Ինչո՞ւ է կյանքն այսքան անարդար: Բայց, Տե՛ր իմ, Դու ես իմ պահապանը: Սուրբ Խաչի զորությամբ ես կքայլեմ առաջ:

Իր մոտից հանում է Սուրբ Խաչի նշանը և դողդողացող ձեռքով իր կրծքին սեղմելով շարժվում առաջ:

Մոտենալիս տեսնում է, որ ստվերն ավելի է մեծանում ու սարսափ ներշնչում: Լույսի ներքո տեսնում է իրեն նայող վախվորած աչքեր, սպիտակաթույր, գեղեցիկ և անպաշտպան, կուչ եկած մի նապաստակ...

Հաճախ մեզ ավելի վնասում են ոչ թե խոչընդոտները, այլ թե ինչպես ենք գնահատում ու հասկանում դրանցից բխած անհանգստությունները: Իսկ իրականում խոչընդոտներնայնքան էլ մեծ ու սարսափելի չեն..

 

.Հովհաննես Մանուկյան

18.06.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․