Գրքեր

Ծրագրերը

Մի երգիչ ծանր հիվանդանում է և երկար ժամանակ անկողին ընկնում: Շատ է տխրում, որովհետև մտածում է, թե ինչքան բարի ու աստվածահաճո գործեր կարող էր անել, եթե առողջ լիներ, թե ինչքան իմաստալից ու բովանդակալից ստեղծագործական կյանք կարող էր ունենալ, և կարծես, թե Աստված ինչո՞ւ է դեմ այդ ամենին, քանի որ իրեն առողջություն չի պարգևում: Եվ մի անգամ էլ այսպես խորհելով զգում է, որ իր ուժերը վերականգնվել են: Կեսօրին արագ վեր է կենում անկողնուց ու ուրախությամբ սկսում ծրագրեր կազմել, թե այսուհետ ինչպիսի կարևոր և հռչակավոր գործեր պիտի իրագործի ու հանդիսատեսների առջև երգի: Մի լույս է փայլատակում, տեսնում է իրեն մոտեցող Աստծո հրեշտակին և ինքնագոհ ասում.

-Ահա Աստծո հրեշտակն էլ եկավ, որպեսզի ինձ զորացնի ու աջակցի:

Հրեշտակը խոսում է.

-Մի՞թե կարող ես քո ծրագրերով ու գործերով զարմացնել Աստծուն, Ով արարել է երկիրն ու երկինքը և համայն տիեզերքը: Ես եկել եմ, որովհետև Երկնավոր Հորը քո փրկությունն է մտահոգում հավիտենականության մեջ:

Երգիչը ոգևորված պատասխանում է.

-Ես իմ փրկության մասին էլ կմտածեմ:

Հրեշտակը շարունակում է.

- Արդյո՞ք չես նկատում, որ այսօր արևածագից դու արդեն հանդերձյալ աշխարհում ես գտնվում…

Ավետարանը զգուշացնում է. Ինչ արժեք ունի, եթե ամբողջ աշխարհը շահես, բայց քո անձը կորցնես (Մատթ. 16.26): Մարդի'կ, ձեր փրկության մասին մտածեք: Ամեն վայրկյանն էլ թանկ է, որովհետև չգիտես, թե հաջորդ պահին արդյո՞ք այլևս երկրի վրա կլինես, թե՞ արդեն հանդերձյալ աշխարհում:

 

Հովհաննես Մանուկյան

21.12.20
ԲաԺանորդագրվել
Ընթերցել նաև
Օրհնությամբ ՝ ԱՀԹ Առաջնորդական Փոխանորդ Տ․ Նավասարդ Արքեպիսկոպոս Կճոյանի
Կայքի պատասխանատու՝ Տեր Գրիգոր քահանա Գրիգորյան
Կայքի հովանավոր՝ Անդրանիկ Բաբոյան
Web page developer A. Grigoryan
Բոլոր իրավունքները պաշտպանված են Զորավոր Սուրբ Աստվածածին եկեղեցի 2014թ․